Erakunde publiko asko kontratazio publiko arduratsuak egiteko eta, bidezko merkataritzaren bidez, garapenerako lankidetza bultzatzeko ekimenak antolatzen hasi dira.

Garapen iraunkorra lortzeko, tresna horiek funtsezkoak direla eta administrazio publikoak helburuok lortzeko ezinbesteko eragileak direla dioten nazioarteko adierazpen eta itunetan oinarritzen dira erakunde publikoak bide hori bultatzeko.

Nazioartean:

Garapen Iraunkorrari buruzko Munduko Goi Bilera, Johannesburg, 2002.

Europan:

Europar Erkidegoa Eratzeko Ituna, Erroma, 1957

Europako Parlamentuaren 2005eko ebazpena, bidezko merkataritzari eta garapenari buruz.

Espainiako Estatuan:

Diputatuen Kongresuaren 161/000173 legez besteko proposamena, 1996

Garapenerako Nazioarteko Lankidetzari buruzko Legea, 1998

Autonomia-erkidegoetan:

Gaur egun, autonomia-erkidegoetako eta udaletako gobernuak dira garapen iraunkorra gehien bultzatzen ari direnak.

Autonomia-erkidegoen artean, lankidetzari buruzko legeetan bidezko merkataritza aipatzen dutenak hauek dira: Aragoi, Katalunia, Extremadura, Errioxa eta Nafarroa. Lankidetza-arlotik kanpo, eta nahitaezko izaerarik izan gabe, parlamentuko askotako legez besteko proposamen eta ebazpen ugaritan aipatu dute bidezko merkataritza, hala nola Andaluzian, Katalunian, Galizian, Madrilen, Nafarroan eta EAEn.

Nabarmentzekoa da, bestalde, Erosketa Publiko Etikoaren aldeko Kataluniako Sarearen sorrera. Herrialde pobretuetako langileen esplotazioaren aurkako neurriak hartu nahi dituzten administrazio publikoak biltzen ditu sare honek. Arropa erostean irizpide etiko batzuk beteaz, administrazio publikoetako langileek erabilitako arropak esplotaziorik eta bidegabekeriarik gabe egin dela ziurtatzeko mekanismoak finkatu nahi dituzte. Kataluniako Generalitatea, Bartzelonako Udala, Bartzelonako Diputazioa eta Tarragonako Udala daude sarean, besteak beste. Bidezko merkataritzako produktuak erosiz, bestelako merkataritza-eredu hau Katalunian gero eta gehiago hedatzen laguntzen dute administrazio publikoek.