|
Erosketa publiko berde edo iraunkorra
Erosketa publiko berde edo iraunkorrean, kontratazio-prozedurako alor guztietan errespetatzen da ingurumena, horrela, gizakion osasunaren gaineko kalteak eta ingurumenaren hondamena murrizteko.
Erosketa iraunkorraren bidez, azken kontsumitzaileen beharrei erantzuten zaie ingurumenari eta gizarteari ahalik eta onura gehien ekartzen dizkieten produktuak erosiz. Administrazio publikoek produktu bat edo enpresa hornitzaile bat aukeratzeko garaian, ingurumenarekin zerikusia duten alderdiak ere aintzat hartzea da kontua hemen.
Kontratazio publiko soziala
Kontratazio publiko sozialean, enplegu-politikak babesten dituzte agintariek, gizarteko talde jakin batzuk trebatzeko edo enplegatzeko baldintza zehatzak jasoaz kontratu publikoen baldintza-orrietan. Obra eta zerbitzuko kontratuetan erabiltzen da bitarteko hau, gauzapen-fasean gehienetan.
Erosketa publiko etikoak
Erosketa publiko etikoaren bidez irizpide etiko batzuk betearazten dira obra, hornigai eta zerbitzuen kontratu publikoetan, lan-baldintza duinak, gutxieneko soldatak, langileen eskubideak, haurrek lanik ez egitea eta antzeko betebeharrak arautzen dituzten nazioarteko hitzarmen eta estandarrak betearaziz. Irizpide eta estandarrik zorrotzenak (bidezko merkataritzakoak, adibidez) dituzten enpresa hornitzaileei eta produktuei ematen zaie lehentasuna erosketa publiko etikoan, eta elikagaien eta ehungintzako artikuluen kontratuetan aplikatzen da gehienbat.
Argibide gehiago: www.ideas.coop
|
Berriak 
Declaracion de Maputo.pdf
